د لوګر ولایت د مرافعه محکمې له نوي رئیس سره د یاد ولایت د تخنیکي هیئت کتنه
د لوګر ولایت د ځمکو د غصب د مخنیوي تخنیکي هیئت د شوال میاشت په ۹ نېټه د شنبې په ورځ د یاد ولایت د مرافعې محکمې له نوي رئیس سره وکتل.
په دغې لیدنه کې، د ځمکو د غصب د مخنیوي په اړه د امیرالمومنین حفظه الله د فرمان، د تخنیکي هیئت د کاري کړنلارې او ځینې نورې موجودې ستونزې د مرافعې محکمې له رئیس سره شریکې کړل شوې او د کاري بهیر د چټکوالي په اړه بحث او خبرې وشوې.
په دغې ناسته کې پریکړه وشوه چې تخنیکي هیئت او مرافعه محکمه خپلو ترمنځ په همغږۍ او چټکتیا سره اړونده کارونه مخ ته یوسي.
د مرافعه محکمې رئیس او مسوولینو هم ژمنه وکړه چې له تخنیکي هیئت څخه استول شوې دوسیې ژر تر ژره تعقیب او بررسي کوي.
