د کابل نوي ښار (شهر جديد کابل) د تصفیي د پیل په تړاو د ځمکو د غصب د مخنیوي کمېسیون ضروري خبرتیا
د ځمکو د غصب د مخنيوي او د غصب شویو ځمکو د استرداد کمېسيون د افغانستان اسلامي امارت د کابيني ۱۴۴۴/۸/۶ هجري قمري نېټې (۲۵) ګڼه مصوبې د (۵) بند بر بنسټ له تخنيکي هيئتونو سره د کمېسيون د ګډ کار په اړه موظف شوی وو.
نو پر همدې بنسټ کمېسيون د ننګرهار ولايت د تخنيکي هيئت سره له ګډ کار څخه وروسته تېره ورځ د کابل تخنيکي هيئت سره رسماً ګډ کار پیل کړ.
کمېسيون د کابل له تخنيکي هيئت سره په ناسته کې پريکړه وکړه ترڅو د کابل نوي ښار (شهر جديد کابل) تصفيه وکړي.
بناءً کمېسيون په لومړي ګام کې د کابل نوي ښار (شهر جديد کابل) لومړی فاز چې د نقشې (ماسټر پلان) جنوب کې قرار لري او (۱۳) پارسل چې (۲۵۰۰۰) پنځه ويشت زره جريبه مساحت او لس کلي لري تصفيه کوي.
نو په همدې اساس ټولو هغو حکمي او حقيقي اشخاصو ته چې د يادې پروژې په لومړي فاز کې د ملکيت ادعاء لري خبر ورکول کيږي چې د ملکيت له سندونو سره یوځای د تصفيې دفتر ته چې په ياده ساحه کې موقعيت لري ژر تر ژره مراجعه وکړي، او خپلې قبالې او د ملکيت سندونه يادو هيئتونو ته وروسپاري.
د دفتر ادرس : کابل ولايت ده سبز ولسوالي پروژه شهر کابل جديد دوهم فاز فیروزي ښارګوټی.
د لا زیاتو معلوماتو له پاره لاندې شمېرو سره اړیکه ونیسئ:
د کابل ولایت د تخنیکي هیئت رئیس، شیخ عبیدالله حقاني:
د اړیکې شمیره: ۰۷۳۰۹۲۲۲۳۵
واتساب شميره: ۰۷۰۷۲۱۸۱۷۴
د کابل د تخنيکي هيئت غړی، شيخ محمد امين:
شميره: ۰۷۷۹۳۱۵۳۲۳