د عدليې وزارت د رهبري شورا ناسته جوړه شوه
د اسلامي امارت د عدلیې وزارت د رهبري شورا ناسته د ۱۴۴۴ هجري قمري کال د شعبان میاشت په ۲۸ نېټه د دوشنبې په ورځ د عدلیې وزارت د سرپرست شیخ الحدیث مولوي عبدالحکیم شرعي په مشرۍ او ددغه وزارت د معینانو، مرکزي رئیسانو او د قوانینو د طرحې پروژې د شیوخو او مفتیانو په ګډون جوړه شوه.
په دغې ناسته کې، د تقنین په لوی ریاست او ددغه وزارت د شیوخو کمېټو کې د تنظیم او اصلاحاتو، د رئیسانو او مامورینو د حاضرۍ، د کار په وختونو کې د تېلفون کارول، ددغه وزارت د امنیت د تحکیم، د حج په مراسمو کې ددغه وزارت د کارکوونکو د برخې اخیستلو او ددغه وزارت د رئیسانو او کارکوونکو لخوا د قانوني رخصتۍ اخیستلو په اړه بحث او د نظرونو تبادله ترسره شوه.
دغې ناسته کې، له هر اړخیز بحث څخه وروسته د مطرح شویو موضوعاتو په اړه لازمې پریکړې او تصمیمونه ونیول شول او د اړوندو کمېټو او رئیسانو ته د هغو د عاجل تطبیق په برخه کې لازمې لارښوونې وشوې.
