پکتیا ولایت کې له دارالوکالو څخه د لیدنې او نظار ت بهیر پای ته ورسید
د پکتیا ولایت د عدليې رئیس مولوي محمد رئیس محمدي په مشرۍ او د استخباراتو، مرافعه محکمې، د علماوو د شورا، مستوفیت، د امر بالمعروف او نهی عن المنکر ریاست، ښاروالۍ او ددغه ولایت د عدليې ریاست د استازو په ګډون، ګډ پلاوي د رجب المرجب میاشت په ۲۸ نېټه د یکشنبې په ورځ د تېرو ارزونو په لړ کې ددغه ولایت له دارالوکالو څخه لیدنه او نظارت ترسره کړ.
په پیل کې، د عدلیې رئیس په یاد ولایت کې د موجودو دارلوکالو او مدافع وکیلانو د شهرت، د مدافع وکیلانو حقوقو او وجایبو، د مدافع وکیلانو اصول او کړنلارې، د وکالت اړوند آسانتیاو او ستونزو، د هویت کارت او د مدافع وکیلانو د جواز، د قضیو اخیستلو او د هغو شمېر، د عوایدو د ثبت کتابونو، د موکلینو د ثبت کتابونو او نور برخوو په اړه د هیئت غړو ته مفصل معلومات وړاندې کړل.
ګډ هیئت خپلو ترمنځ د خپلو نظرونو له شریکولو څخه وروسته، له تعیین شوې کارې طرحې سره سم ساحو ته ولاړ او په دغه ولایت کې له دارالوکالو څخه د ارزونې بهیر ته يې دوام ورکړ. دغه هیئت لومړی له دارالوکالو څخه هغې یوې ته چې څه موده محکې د هیئت لخوا تړل شوې وه او اوس یې د خپل د فعالیت سندونه بشپړ کړي، د فعالیت اجازه ورکړه او د هغې مسوول ته يې لازمې لارښوونې وکړې.
دغه راز یاد شوي هیئت هغو دارالوکالو ته چې د فعالیت قانوني پړاونو یې بشپړ کړي خو د هغو په کارونو کې ځینې نیمګړتیاوې شته دي، لازمې توصيې وکړې.
د یادولو وړ ده چې دغه ولایت کې له دارالوکالو څخه د ارزونې بهیر پای ته ورسید او راپور به یې له اړوندو ارګانونو سره شریک کړل شي.
