د کندز ولایت تخنیکي هیئت دغه ولایت کې ۱۰۰۰۰ جریبه ځمکه بررسي کړه
د کندز ولایت د ځمکې د غصب د مخنیوي تخنیکي هیئت د خپل غونډې په جوړولو سره، ددغه ولایت د چهاردرې ولسوالۍ له ځینو سیمو څخه لیدنه کړې او د ځمکې د غصب د مخنیوي برخه کې یو لړ اقدامات ترسره کړي.
یاد هیئت، چهاردرې ولسوالۍ ته ولاړ او ددغې ولسوالۍ له سیمه ییزو مقاماتو او مخورو سره یې وکتل او د خپل د سفر موخه او د ځمکې د غصب د مخنیوي مقرره يې هغوی له پاره تشریح کړه.
دغه هیئت، د خواجه کفتر او ګل باغ دښتو له ځمکو څخه لیدنه وکړه او دغو سیمو کې ۱۰۰۰۰ جریبه ځمکه تر بررسۍ لاندې ونیوله او غصبي سیمو کې جوړ شوي دیوالونه يې ویجاړ کړل.
دغه راز یاد هیئت د بررسۍ لاندې ځمکې تثبیت او د هغو سندونه یې تر بررسۍ لاندې ونیول. دغو سیمو کې د انګړونو جوړ شوي او موضوع به د پریکړې له پاره کمېسیون ته ارجاع شي.
په همدې حال کې، د پکتیا ولایت د تخنیکي هیئت ناسته ددغه هیئت د رییس او غړو په حضور سره جوړه شوه او ۵ کسیز هیئت پکې چې د سندونو د بررسۍ په منظور تعیین شوی وو، خپل راپور وړاندې کړ.
یاد هیئت د روحاني بابا څیړنیز فارم متصرفینو له پاره استعلام وویشل او د هیئت غړو هم تخنیکي هیئت ته د خپلو د فعالیتونو راپور تخنیکي هیئت ته وړاندې کړ.
پر دې سربېره، د کابل ولایت د تخنیکي هیئت ناسته هم ددغه هیئت د رییس او غړو په حضور سره جوړه شوه او د ملا تره خیل ښارګوټي نهايي دوسیه او د نورو ښارګوټو سندونه او قبالې پکې بررسي شوې.
دغې ناسته کې، د هغو ځمکو د فعالیتونو د کار او فعالیت د اجازې ورکوونې په اړه بحث وشو چې د هیئت د بررسیو پایله کې شخصي تثبیت شوې، او دغې برخه کې د فعالیت او کار د اجازې ورکولو پریکړه وشوه. دغه راز د ښارګوټو او غصب شوو ځمکو د سندونو د بررسۍ په منظور یو ټیم جوړ شو.
د ارزګان ولایت د تخنیکي هیئت ناسته د هیئت د رییس او غړو په حضور سره جوړه شوه او پکې د چهارچینو ولسوالۍ د هوشي او د ترینکوت ګردنګاب سیمې ځمکو په اړه بحث وشو او پریکړه وشوه چې یاد موضوعات د وروستۍ پریکړې له پاره مرکزي کمېسیون ته واستول شي.
