جلال آباد ښار کې ۳ موټر پلورنځۍ د غیر قانوني فعالیتونو په دلیل وتړل شوې
موظف هیئت چې ترکیب کې يې د ننګرهار ولایت د عدليې ریاست د انسجام آمر او د ولایت د مقام، مستوفیت، ملي امنیت، د امارت د قضایاو او د امنیه قوماندانۍ استازي شامل دي، د جمادي الثاني میاشت په ۱۱ نېټه د چهار شنبې په ورځ د جلال آباد ښار قل اردو سیمه کې له موټرپلورنځیو څخه لیدنه او نظارت وکړ.
دغې بررسۍ کې، چې یاده سیمه کې له ۷ موټرپلورنځیو څخه لیدنه او نظارت وشو او ددغې بررسۍ پایله کې ۳ موټرپلورنځۍ د جواز نه درلودلو او غیر قانوني فعالیتونو په علت مهرلاک او وتړل شوې.
دغه راز یاد هیئت ۴ نورو موټر پلورنځیو ته چې د فعالیت جواز یې درلود، د ځینو نیمګړتیاو د موجودیت په علت اصلاحې توصیې وکړې ترڅو د نافذ شوو اصولو او قوانینو سره سم فعالیت وکړي.
