د پکتیکا ولایت د عدليې ریاست د همغږۍ ناسته جوړه شوه
د پکتیکا ولایت د عدليې ریاست د همغږۍ ناسته د جمادي الاول میاشت په ۱۷ نېټه د یکشنبې په ورځ د عدليې رییس مولوي حیات الله آمین په مشرۍ او ددغه ریاست د آمرینو او کارکوونکو په ګډون د عدليې ریاست به مقر کې جوړه شوه.
په دغې ناسته کې، د عدليې رییس ددغه ریاست کارکوونکو ته توصیه وکړه چې خپل لمونځونه په جماعت سره ادا کړي او رسمي وختونو کې خپل دفترونو کې حاضر اوسي.
دغه راز نوموړي ددغه ریاست کارکوونکو ته توصیه وکړه چې د خلکو کارونه په خپل وخت کې ترسره کړي او د توان تر حده هڅه وکړي ترڅو د خلکو شکایتونو ته رسیده ګي وکړي.
په دغې ناسته کې، د عدليې ریاست کارکوونکو هم خپل ستونزې او ننګونې د عدليې له رییس سره مطرح کړې او د عدلیې رییس له لوري هغوی ته ډاډ ورکړل شو چې د هغوی د ستونزو د حل په برخه کې به له هیڅ ډول هلو ځلو څخه ډډه ونه کړي.
په پای کې ددغه ریاست کارکوونکو ژمنه وکړه چې د عدليې رییس په لارښوونو به عمل وکړي.
