د پروان عدليې ریاست د دغه ریاست د یو کلن فعالیت راپور وړاندې کړ
د پروان ولایت عدليې ریاست د ربیع الاول میاشتې په ۸ نېټه د سه شنبې په ورځ په هغې ناستې کې چې د دغه ولایت د مقام له لوري په ستاره هوټل کې جوړه شوې وه، د دغه ریاست د یو کلن فعالیت او لاسته راوړنو راپور وړاندې کړ.
په دغې ناسته کې، د پروان ولایت والي مولوي عبیدالله امین زاده، امنیه قوماندان، د ادارو رییسانو او یو شمېر قومي مشرانو ګډون کړی وو.
په دغې ناسته کې د پروان ولایت د عدليې رییس مولوي عبدالقدیر عابد، د دغه ریاست د یوکلن فعالیت او لارس ته راوړنو راپور وړاندې کړ او ویې ویل چې په تېر کال کې ۱ زرو ۸۹۰ عریضې دغه ریاست ته لېږل شوي چې له دې جملې څخه ۵۰۵ عریضې اصلاح شوي، ۴۸۴ عریضې ښاري محکمې ته استول شوي، یو شمېر حفظ او یو شمېر تر دوران لاندې دي.
د عدليې رییس زیاته کړه چې تېر یو کال کې، د محکمو ۹ ټوکه پرېکړې يې تطبیق کړي او ۱ مېلیونو ۷۴۹ زره او ۸۵۱ افغانۍ عواید يې راټولې کړي او د اسلامي امارت خزانې ته يې تحویلې کړې دي.
