برگزاری نشست هماهنگی میان هیأت تخنیکی ولایت نورستان و مقام این ولایت
نشست هماهنگی میان هیأت تخنیکی جلوگیری از غصب زمین و مقام ولایت نورستان روز شنبه، ۵ محرم الحرام ۱۴۴۵ در مقام این ولایت برگزار گردید.
در این نشست که با تلاوت آیاتی از کلام الله مجید آغاز گردید، رییس هیأت تخنیکی پیرامون موضوع صحبت نموده و گزارش دست آوردهای سال ۱۴۴۴ و پلان کاری سال ۱۴۴۵ این هیأت را به مقام این ولایت ارایه کرد.
در این نشست، معاون والی نورستان از کارکردهای هیأت تخنیکی جلوگیری از غصب زمین این ولایت ستایش و قدردانی نموده، گفت که این دست آوردها یک مژده خوب برای امارت اسلامی می‌باشد. وی همچنان برای سال ۱۴۴۵ به هیأت تخنیکی این ولایت توصیه‌ها و سفارش‌های لازم را ارایه کرد.
