برگزاری برنامه آگاهی‌دهی حقوقی برای محبوسین زندان ولایت پکتیا
آمریت مساعدت‌های حقوقی ریاست عدلیه ولایت پکتیا، روز دوشنبه ۲۷ جمادی‌الاول برنامه آگاهی‌دهی حقوقی را برای محبوسین در زندان این ولایت برگزار کرد.
ابتدا، مولوی امین‌الله حسینی، آمر مساعدت‌های حقوقی ریاست عدلیه و مدیر آگاهی عامه این ریاست با مولوی سهیل سعید، رییس زندان ولایت پکتیا و سایر مسوولان این زندان دیدار نموده و موضوع برگزاری برنامه آگاهی‌دهی حقوقی برای محبوسین این ولایت را با ایشان در میان گذاشتند.
رییس زندان ولایت پکتیا از تلاش‌های ریاست عدلیه این ولایت ستایش و قدردانی کرده و همکاری خویش را در برگزاری چنین برنامه‌ها برای محبوسین زندان این ولایت اعلام نمود.
بعداً آمریت مساعدت‌های حقوقی ریاست عدلیه ولایت پکتیا برنامه آگاهی‌دهی حقوقی را در زندان این ولایت برگزار کرده و در مورد مساعدت‌های حقوقی به ۲۰۶ تن از محبوسین این زندان معلومات ارایه نمود.
