د عدلیې وزارت د (۲) تخنیکي قراردادي بستونو اعلان
Publish Date
Closing Date
د افغانستان اسلامي امارت د لوړو موخو د تحقق، اهل کار ته د کار د سپارلو، د تخنیکي او فني خدمتونو وړاندې کولو، د اصلاحاتو راوستلو او د سالمې ادارې د رامنځته کولو او د ژمنو او اغېزمنو بشري ځواکونو د استخدام په موخه لاندې (۲) قراردادي بستونه:
- د موټر مستري قراردادي یو بست؛
- د موټر ویرینګکار قراردادي یو بست؛
د مالي او اداري ریاست، د خدماتو آمریت، د ټرانسپورټ عمومي مدیریت اړوند د (۳۰۰۰۰ تر ۵۰۰۰۰ افغانۍ) میاشتني معاش سره له ۱۴۴۸/۵/۵ تر۱۴۴۸/۵/۱۵هـ.ق نېټې پورې چې د ۱۴۰۵/۷/۲۵ تر ۱۴۰۵/۸/۵هـ.ش نېټې سره سمون خوري د لسو کاري ورځو لپاره د آزادې سیالۍ پروسې له لارې اعلان ته سپاري.
په شرایطو برابر غوښتونکي کولای شي د اعلان شويو بستونو د غوښتنلیک فورمه د عدلیې وزارت له ویبپاڼې او یا هم په حضوري ډول د کابل په دارالامان سیمه کې د یاد وزارت د کارکوونکو د چارو د ریاست د استخدام له آمریت څخه ترلاسه کړي د فورمې له ډکولو څخه وروسته (یو قطعه عکس، د تحصیلي اسنادو، کاري تجربې او د تابعیت تذکرې کاپي) سره یوځای په ټاکل شوي وخت د کارکوونکو د چارو ریاست ته تسلیم کړي.
