د لغمان ولایت د عدلیې ریاست او د معاملاتو لارښوونې د دفترونو د مسؤولینو ترمنځ د ناستې ترسره کېدل
د لغمان ولایت عدلیې ریاست د دغه ولایت د قرغیو ولسوالۍ په سرخکان ساحه کې د معاملاتو لارښوونې د یو شمېر فعالو دفترونو له مسؤولینو او متصدیانو سره ناسته جوړه کړه.
دا ناسته د صفرالمظفر میاشتې په ۶مه نېټه د سهشنبې په ورځ د عدلیې ریاست په مقر کې ترسره شوه او د لغمان د عدلیې رئیس، مولوي روح الله روحاني پهکې د کورونو د کرایو د لوړېدو پر مخنیوي ټینګار وکړ.
همدا راز نوموړي څرګنده کړه چې د معاملاتو لارښوونې دفترونه باید د امارتي ځمکو په غیرقانوني پېر او پلور کې له وساطت څخه ډډه وکړي.
په دې ناسته کې د سرخکان ساحې د معاملاتو لارښوونې د دفترونو مسؤولینو هم ژمنه وکړه چې د هغو هستوګنیزو کورونو او بلاکونو د کرایې د معاملاتو له ثبتولو څخه چې کرایه یې د ۱۴۰۳ هجري لمریز کال په پرتله له ۱۰ سلنې څخه زیاته لوړه شوې وي او د امارتي ځمکو په اړوندو معاملاتو کې هم له وساطت څخه ډډه کوي.
