په جوزجان ولایت کې د معاملاتو لارښوونې له یو شمېر دفترونو څخه نظارت ترسره شو
د جوزجان ولایت د عدليې ریاست نظارتي پلاوي د ذوالحجې د مياشتې په ۳۰مه نېټه د سېشنبې په ورځ په دغه ولایت کې د معاملاتو لارښوونې له پنځو دفترونو څخه نظارت ترسره کړ.
نظارتي پلاوي د یادو دفترونو د فعالیت جوازونه، مهرونه، د ثبت کتابونه او یو شمېر نور اړين اسناد بررسي کړل چې په پایله کې یې د معاملاتو لارښوونې یو دفتر د غیرقانوني فعالیت له امله وتړل شو.
همداراز د معاملاتو لارښوونې په نورو دفترونو کې یو شمېر ستونزې او نيمګړتياوې هم مشخصې شوې چې د لرې کولو او د چارو ښه پرمخ وړلو په موخه یې د یادو دفترونو متصدیانو ته لازمې توصیې وکړې.
د جوزجان ولایت د عدلیې رياست په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
