د یوې میاشتې په اوږدو کې د عدلیې وزارت لخوا د کابو ۷ زره رسمي سندونو د ژباړې تصدیق
د عدليې وزارت د قانون جوړونې عمومي ریاست د تقنیني سندونو د ژباړې او رسمي سندونو د تصدیق ریاست د روان کال د سرطان (جنګاښ) میاشتې په ترڅ کې د ۶ زره ۷۶۹ رسمي سندونو ژباړې یې تصدیق کړي دي.
له دغو تصدیق شويو سندونو څخه ۵۴۷۲ سندونه په کابل کې، ۳۹۱ سندونه په بلخ، ۲۰۴ سندونه په ننګرهار او څه باندې ۷۰۰ نور سندونه په خوست، پکتیا، هرات، بدخشان، نيمروز، کندز او کندهار ولایتونو کې تصدیق شوي دي.
په تصدیق شويو سندونو کې تذکرې، نکاح خط، زېږون کارت، تحصیلي سندونه، د ناروغۍ تصديق، د محکمو وروستۍ پرېکړې او نور سندونو شامل دي.
