په باميان ولایت کې د معاملاتو لارښوونې له یو شمېر دفترونو څخه نظارت ترسره شو
د باميان ولایت د عدلیې ریاست نظارتي پلاوي د ذیالحجې د میاشتې په ۲۷مه نېټه د سهشنبې په ورځ د دغه ولایت د مرکز په غلغلې او نويو بازارنو کې معاملاتو لارښوونې له ۱۰ دفترونو څخه نظارت ترسره کړ او د هغو فعاليتونه یې بررسي کړل.
د دغه نظارت په ترڅ کې نظارتي پلاوي د یادو دفترونو د فعاليت جوازونه، د پېر او پلور قانونيتوب، د رسمي سټو کارونه او یو شمېر نور اړين سندونه بررسي کړل چې، په ترڅ کې یې د دغو دفترونو یو شمېر نيمګړتياوې مشخصې کړې.
نظارتي پلاوي د دفترو مسؤولينو ته د يادو نيمګړتياو د لرې کولو او د کاري چارو ښه پرمخ وړلو په موخه لازمي توصیې وړاندې کړې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
