په کندز ولایت کې د عدلیې رياست او د معاملاتو لارښوونې د یو شمېر مسؤولينو ترمنځ د همغږۍ ناسته ترسره شوه
د کندز ولایت د عدلیې رئيس قاري فراح الدين محمدي د ذیالقعدې د مياشتې په ۲۸مه نېټه د دوشنبې په ورځ، د یاد ولایت د معاملاتو لارښوونې د دفترونو له یو شمېر مسؤولينو سره د همغږۍ ناسته جوړه کړه.
دا ناسته د عدلیې رياست په مقر کې جوړه شوه او د عدلیې رياست نورو مسؤولينو هم پهکې ګډون درلود. د عدلیې رئيس په دې ناسته کې د موضوع په تړاو خبرې وکړې او په یاد ولایت کې یې د معاملاتو لارښوونې د اتحادیې پر جوړیدو ټينګار وکړ.
نوموړي زياته کړه چې د معاملاتو لارښوونې اتحادیې په جوړولو سره به په دې ولایت کې د دغو دفترونو چارې منظمې شي او خلکو ته به هم لازياتې اسانيتاوې رامنځته شي.
د معاملاتو لارښوونې د دفترونو مسؤولینو هم په یاده ناسته کې خبرې وکړې او د اتحادیې رامنځته کېدو د پیل او خلکو لپاره د لازیاتو اسانتیاو برابرولو ډاډ یې ورکړ.
