د یوې میاشتې په اوږدو کې د عدلیې وزارت لخوا د ۴۷۵۲ رسمي سندونو د ژباړې تصدیق
د عدليې وزارت د قانون جوړونې عمومي ریاست د تقنیني سندونو د ژباړې او رسمي سندونو د تصدیق ریاست د روان کال د حمل (وري) میاشتې په ترڅ کې د ۴۷۵۲ رسمي سندونو ژباړې یې تصدیق کړي دي.
له دغو تصدیق شويو سندونو څخه ۳۶۱۳ سندونه په کابل کې، ۲۹۷ سندونه په کندهار، ۲۱۹ سندونه په هرات، ۲۱۱ سندونه په کندز، ۱۹۵ سندونه په ننګرهار، ۷۸ سندونه په خوست او ۶۷ نور سندونه په نیمروز، بدخشان او پکتيا ولایتونو کې تصدیق شوي دي.
په تصدیق شويو سندونو کې تذکرې، نکاح خط، زېږون کارت، تحصیلي سندونه، د ناروغۍ تصديق ، د محکمو وروستۍ پرېکړې او نور سندونو شامل دي.
