په بلخ ولایت کې د څه باندې ۲۷۵ جریبه ځمکو د دوسیو بررسي کېدل
د بلخ ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۲۳ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د چمتال ولسوالۍ اړوند په نوشهر کلي کې د دوه سوه (۲۰۰) جریبه ځمکې او د بلخ ولسوالۍ په ارغوان کلي کې د څه باندې پنځه اویا (۷۵) جریبه ځمکو دوسیې تر بحث او بررسۍ لاندې ونيول شوې.
هیئت پرېکړه وکړه چې، د یادو دوسیو په اړه دې معلومات بشپړ او په هکله یې لازم اجراآت ترسره شي.
