د لوګر ولایت د ځمکو له غصب څخه د مخنیوي تخنیکي هیئت ناسته جوړه شوه
د لوګر ولایت د ځمکو له غصب څخه د مخنیوي تخنیکي هیئت ناسته د رجب المرجب د مياشتې په ۲۵ مه نېټه د یکشنبې په ورځ د دغه هيئت د رئيس او غړو په ګډون جوړه شوه او د یو شمېر غصب شويو ځمکو په اړه په کې بحث او خبرې وشوې.
په دې ناسته کې د محمد آغې ولسوالۍ اړوند د شکار کلا ساحې او د لوګر د مرکز اړوند د بیدک او ويدخ ساحو د دوسیو په اړه بحث او خبرې وشوې او په ترڅ کې یې پرېکړه وشوه چې يو پلاوی دې یادې ساحې له نږدې بررسي کړي.
دغه راز، په دې ناسته کې د محمد آغې ولسوالۍ اړوند د برک ساحې د بررسۍ په موخه هم یو درې کسيز پلاوی وټاکل شو تر څو ساحه له نږدې وویني او راپور یې راتلونکې ناستې ته وړاندې کړي.
