د غزني ولایت د عدلیې ریاست او مدافع وکیلانو ترمنځ د همغږۍ ناسته جوړیدل
د غزني ولایت له مدافع وکیلانو سره د یاد ولایت د عدلیې ریاست د همغږۍ ناسته د رجب المرجب د مياشتې په ۱۲ مه نېټه د دوشنبې په ورځ د عدلیې رئیس مولوي مطیع الحق عثمان په مشرۍ او د یاد ریاست نورو مسؤولینو او یو شمېر مدافع وکيلانو په ګډون سره د عدلیې رياست په مقر کې جوړه شوه.
په دې ناسته کې د عدلیې رئيس په خپلو خبرو کې د یاد ولایت له مدافع وکيلانو څخه غوښتنه وکړه ترڅو د اسلامي شریعت په رڼا کې خپل فعالیتونه ترسره کړي، له خپلو مراجعينو سره ښه سلوک وکړي او په خپلو کارونو کې له اخلاص او امانت دارۍ څخه کار واخلي.
په ياده ناسته کې، مدافع وکیلانو هم خپلې ستونزې شريکې کړې چې د عدلیې ریاست لخوا ورته د حل په موخه ډاډ ورکړل شو.
