په ننګرهار ولایت کې د غیر قانوني فعالیت له امله ۷ موټر پلورنځي وتړل شول
د ننګرهار ولایت د عدلیې ریاست نظارتي پلاوي د جمادي الثاني د میاشتې په ۳۰ مه نېټه د چهارشنبې په ورځ، د جلال آباد ښار اړوند له یو شمېر موټر پلورنځیو څخه نظارت وکړ.
یاد پلاوي د یاد نظارت او بررسي په ترڅ کې د موټر پلورنځیو د فعالیت قانوني جواز، د موټرو د پېر او پلور قانوني پروسه، د رسمي سټو کارول او نور اړین موارد بررسي کړل او ۷ موټر پلورنځي یې د غير قانوني فعاليت له امله وتړل.
د ننګرهار ولایت د عدلیې رياست په دوامداره توګه په اړوندو برخو کې نظارت او بررسي ترسره کوي تر څو د غير قانوني فعاليتونو مخنيوی وشي.
