د پکتیا ولایت د عدلیې او استیناف محکمې ریاستونو ترمنځ د همغږۍ ناسته جوړه شوه
د پکتیا ولایت د عدلیې رئیس، مولوي فاتح الله فاتح او له هغه سره مل پلاوي د جمادي الثاني د مياشتې په ۲۹ مه نېټه د سه شنبې په ورځ، د یاد ولایت د استیناف محکمې له رئیس، مفتي عبيدالله خالد سره د استیناف محکمې د رياست په مقر کې ناسته جوړه کړه.
د عدلیې رئيس په دې ناسته کې وويل چې د دواړو ادارو چارې له یو بل سره تړلي دي، بناً لازمه ده چې د چارو ښه پرمخ وړلو او د ستونزو د حل کېدو په موخه یادې ادارې سره همکارې او همغږې وي.
همدارنګه نوموړي د عدلیې رياست ځينې ستونزې چې، محاکمو پورې اړه لري شريکې کړې او د حل په برخه کې یې د همکارۍ غوښتننه وکړه.
په ورته مهال د استيناف محمکې رئيس مفتي عبيدالله خالد د شته ستونزو د حل په برخه کې د عدلیې رياست ته د هر اړخیزې همکارۍ ډاډ ورکړ.
