د ارزګان په مرکز کې د امارتي ځمکو له غصب څخه مخنیوی وشو
د ارزګان ولایت د ځمکو له غصب څخه د مخنیوي تخنیکي هیئت په تېره اوونۍ کې د امارتي ځمکو د بررسۍ په موخه د یاد ولایت د مرکز، ترينکوټ ځینو ساحه ته سفر وکړ.
تخنیکي هیئت له يادو ساحو څخه د کتنې په ترڅ کې پر امارتي ځمکو د یو شمېر نويو تصرفاتو مخه ونیوله او همدارنګه، ۲ ماشینونه او برقي برمې چې د امارتي ځمکو د کېندلو په حال کې وې، ضبط کړې.
له دې وړاندې هم د ارزګان ولایت تخنیکي هيئت افرادو او اشخاصو او د برمو مالکانو ته خبرداری ورکړی وو، چې په امارتي ځمکو کې له خپلسرو تصرفاتو څخه ډډه وکړي.
