په کندز ولایت کې د څه باندې ۲۱ زره جريبه ځمکې بررسي
د کندز ولایت د ځمکو له غصب څخه د مخنیوي تخنیکي هيئت ناسته، د جمادي الثاني د مياشتې په ۲۰ مه نېټه د یکشنبې په ورځ، د تخنیکي هيئت د رئيس او غړو په ګډون جوړه شوه.
په دې ناسته کې، د امام صاحب ولسوالۍ اړوند په قزاق ګذر ساحه کې د شل زره (۲۰۰۰۰) جريبه ځمکې، د حاجي عبدالقيوم یلداش په ساحه کې د یو زره دوهسوه (۱۲۰۰) جریبه ځمکې، په باسوس ساحه کې د یو سل او درې (۱۰۳) جریبه ځمکې او د ياد ولایت د دشت ارچي ولسوالۍ اړوند په ملا کرم ساحه کې د شل (۲۰) جریبه ځمکې دوسیو په اړه بحث وشو.
د تخنيکي هيئت په دې ناسته کې یو هيئت مؤظف شو چې د دغو ساحو په اړه راپور بشپړ کړي او په راتلونکې ناسته کې یې تخنيکي هیئت ته وړاندې کړي.
همدارنګه، په دې ناسته کې د کندز ولایت په کچه د ځمکو د غصب اړوند یو شمېر نورې دوسيې هم بررسي شوې او په اړه یې لازم تصاميم ونيول شول.
