د لوګر ولايت په مرکز کې د خپل سرو تصرفاتو مخنیوی وشو
د لوګر ولایت د ځمکو د غصب مخنیوي تخنیکي هيئت د چهارشنبې په ورځ د محرم الحرام د میاشتې په ۱۸ مه نېټه د دې ولایت مرکز اړوند التمور سیمې ته ولاړ او په دې ساحه کې یې پر امارتي ځمکو کې د خپل سرو تصرفاتو مخه ونيوله.
همدارنګه د یاد ولایت تخيکي هيئت د یوې ناستې په ترڅ کې د دعوا لاندې څه باندې ۱۱ زره جریبه ځمکه تر بررسۍ او بحث لاندې ونيوله او پرېکړه یې وکړه چې دوسیې یې بشپړه شي او وروسته د لازمې پرېکړې په موخه مرکزي کمېسيون ته واستول شي.
د دې ترڅنګ د لوګر ولایت په بېلابېلو سیمو کې د ځمکو د غصب په تړاو یو شمېر نورې دوسیې هم تر بررسۍ او بحث لاندې ونيول شوې.
