د لغمان ولایت د عدلیې او استیناف محکمې ریاستونو ترمنځ د همغږۍ ناسته جوړه شوه
دلغمان ولایت د عدلیې ریاست او د یاد ولایت د استیناف محکمې ریاست ترمنځ د محرم الحرام د میاشتې په ۱۸ نېټه د چهارشنبې په ورځ د لغمان ولایت د عدليې رئیس مولوي عبدالستار حماس او مل پلاوي او د یاد ولایت استیناف محکمې د رئیس مولوي عبدالکریم حقاني په ګډون سره د همغږۍ او همکارۍ په موخه د یاد ولایت د استیناف محکمې ریاست په مقر کې ناسته جوړه شوه.
په دې ناسته کې د دواړو رياستونو ترمنځ د نږدې همغږۍ او همکارۍ په رامنځته کولو ټينګار وشو. همدا راز پرېکړه وشوه، چې د شته ستونزو او ننګونو د حل په موخه دې د دواړو څانګو ترمنځ د همغږۍ دوامداره ناستې جوړې شي.
