په سمنګان ولایت کې د کابو ۶ زره جریبه امارتي ځمکې تثبیت او تشخیص
د سمنګان ولایت د ځمکو د غصب د مخنيوي تخنيکي هيئت ناسته د ذوالقعدې د مياشتې په ۲۴ مه نېټه د یکشنبې په ورځ د دغه هيئت د رئیس او غړو په ګډون سره جوړه شوه او په ترڅ کې یې ۵ زره او ۸۲۰ جریبه امارتي ځمکې تثبيت او تشخیص شوې.
د تخنیکي هيئت په ياده ناسته کې، د یاد ولایت په خلم ولسوالۍ کې د پاسره او قشقه قم په ساحو کې تر دعوا لاندې یو شمېر ځمکې تر بررسي لاندې ونيول شوې چې په پايله کې یې په دغو ساحو کې ۵ زره او ۸۲۰ جریبه امارتي ځمکې تشخیص شوې.
