په کندز ولایت کې کابو ۱۳۶۲ جریبه امارتي ځمکه تثبیت شوه
د کندز ولایت د ځمکو د غصب د مخنیوي تخنیکي هیئت خان آباد ولسوالۍ ته په سفر او په دې ولسوالۍ کې د ۳۵ کادستري ټوټې په بررسۍ سره، ۱۳۶۲ جریبه ځمکه امارتي تثبیت کړه.
یاده شوې ځمکه د خان آباد ولسوالۍ په امیرآباد ساحه کې موقعیت لري او هیئت پرې ۳۵ کادستري ټوټه تطبیق کړه. یاده شوې ځمکه په کادستري نقشه کې د امارتي ځمکې په عنوان سروې شوې چې ټاکل شوې ده له څېړنو وروسته یې په اړه پریکړه وشي.
له بلې خوا هم یاد هیئت په یوې ناسته کې چې په همدې ورځ یې جوړه کړه، په قلعه ذال او علي آباد ولسوالیو کې د ۱۰۲ جریبه ځمکې موضوع بحث او بررسۍ لاندې ونیوله او پر ساحو باندې د سندونو د تطبیق لپاره يې ټیمونه توظیف کړل.
