په کنړ ولایت کې د نږدې ۲۰ جریبه امارتي ځمکې تثبیت
د کنړ ولایت د ځمکو د غصب د مخنيوي تخنيکي هئيت د یاد ولایت په څوکۍ ولسوالۍ کې د يوې کادستري ټوټې په بررسۍ سره ۱۹،۳۲ جریبه امارتي ځمکه تثبیت او تشخيص کړه.
د یاد تخنيکي هئيت يو ټيم د شعبان د مياشتې په ۱۷ مه نېټه د چهارشنبې په ورځ د څوکۍ ولسوالۍ کلماني ساحې ته ولاړ او په یاده ساحه کې یې ۱۱۹۹ کادستري ټوټه بررسي کړه. یاده کادستري ټوټه امارتي ده او ۱۹،۳۲ جربیه ځمکه په کې شامله ده چې هیئت یې مشخصات واخيستل او غاصیبن یې هم تثبیت کړل.
همدارنګه د تخنيکي هئيت بل ټيم، د کرنې په رياست کې د یوې غونډې په جوړولو سره د ځمکو د غصب اړوند د یو شمېر عارضو کسانو عريضې او دوسیې بررسي کړې او په دې هکله یې اړين تصامیم ونیول.
