د میدان وردک ولایت د عدلیې ریاست د اداري ناستې جوړیدل
د میدان وردک ولایت د عدلیې ریاست اداري ناسته د رجب المرجب د میاشتې په ۲۴ نېټه د دوشنبې په ورځ د عدلیې رئیس مولوي مطیع الحق عثمان په مشرۍ او د یاد ریاست د آمرینو او کارمندانو په ګډون جوړه شوه.
په یاده ناسته کې د عدلیې رئیس د قانون او کړنلارې مطابق د چارو ترسره کولو، په ایماندارۍ او اخلاص د مسؤولیتونو سرته رسولو، له اوامرو څخه د اطاعت، حاضرۍ ته د پابندۍ، په کارونو کې مشورې، همکارۍ او هغمږۍ، د کاري ستونزو د لري کولو او بیت المال ته د پاملرنې په اړه خبرې وکړې او په دې هکله یې لازمې لارښوونې وکړې.
په دې ناسته کې د عدلیې ریاست د بېلابېلو برخو آمرینو او کارمندانو هم خبرې وکړې او خپل کاري راپورونه، لاسته راوړنې او ستونزې د عدلیې له رئیس سره شریکې کړې چې ستونزو ته د رسیدګۍ په برخه کې حل لارې وړاندې شوې.
