د عدلیې وزارت د رهبري شورا ناسته جوړیدل
د اسلامي امارت د عدلیې وزارت د رهبري شورا ناسته د جمادي الثاني د میاشتې په ۲۷ نېټه د چهارشنبې په ورځ د عدلیې وزارت د مسلکي معین شیخ الحدیث مولوي عبدالکریم حیدر په مشرۍ او د یاد وزارت د نورو مرکزي رئیسانو او مسؤولینو په ګډون جوړه شوه.
په یاده ناسته کې په بېلابېلو برخو کې د سندونو او جوازلیکونو د چاپ د څرنګوالي، د عدالت مجلې د لیکنې هیئت د حق الزحمې او د عدلیې وزارت یو شمېر اداري موضوعات بحث او بررسۍ لاندې ونیول شوو.
په یاده ناسته کې پریکړه وشوه چې اړوند ریاستونه په بهادارو کاغذونو کې د جوازلیکونو د چاپ په برخه کې لازم اجراآت ترسره کړي او د عدالت مجلې د لیکنې هیئت د حق الزحمې په برخه کې د حل لاره ولټول شي.
په یاده ناسته کې د بحث وړ نورو موضوعاتو په هکله هم لازم تصامیم ونیول شوو.
