په کندز ولایت کې د ۶۹ جریبه امارتي ځمکې تثبیت
د کندز ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۲۴ نېټه د یکشنبې په ورځ د هیئت د رئیس او غړو په حضور سره جوړه شوه.
په یاده ناسته کې د علي آباد ولسوالۍ د مغدود خیل ساحې د ۱۲ جریبه ځمکې، د قرغان تپې ساحې د ۴۰ جریبه ځمکې، د امام صاحب ولسوالۍ د باسوس ساحې د ۵۷ جریبه ځمکې دوسیې او په دغه ولایت کې څړځای لپاره د یوې ساحې د تعیین موضوع، بررسي شوه.
تخنیکي هیئت د مغدود خیل ساحې د ۱۲ جریبه ځمکې او د باسوس ساحې د ۵۷ جریبه ځمکې بررسۍ لپاره چې د سندونو له مخې امارتي دي، پلاوی توظیف کړ او د قرغان تپې ساحې د ۴۰ جریبه ځمکې په برخه کې لازمې لارښوونې صادر کړې.
دغه راز د کندز په کچه د یو څړځای لپاره د ساحې د تعیین په برخه کې پریکړه وشوه چې په دې هکله د یاد ولایت له والي سره مشوره وشي او یوه ساحه مشخصه شي. په یاده ناسته کې د خلکو یو شمېر عریضې هم د هیئت لهخوا بررسي شوې.
