په زابل ولایت کې د څه باندې ۱۰ زره جریبه امارتي ځمکې تثبیت او تشخیص
د زابل ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۱۶ نېټه د شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
په دغې ناسته کې، تخنیکي هیئت د دوسیو په بررسۍ سره، د زابل ولایت د مرکز قلات ښار په اومکی ساحه کې کابو ۱۰ زره او ۴۹۲ جریبه امارتي ځمکه تثبیت او تشخیص کړه او په دې هکله یې اړوندو مراجعو ته لازمې لارښوونې صادر کړې.
