د عدلیې وزارت «مدرسة العدالة» د حدیثو د لویې او وړې دورې منځنۍ آزموینې اخیستل
د افغانستان اسلامي امارت د عدلیې وزارت د دعوت او ارشاد ریاست د ۱۴۴۵ هجري قمري کال د جمادي الثاني د میاشتې په دوه یمه نېټه د شنبې په ورځ د حدیث (بخاري شریف) د لویې او وړې دورې منځنۍ آزموینې اخیستل د یادو دورو له ګډونوالو څخه پيل کړې.
د یادې آزموینې په پيل کې، د عدلیې وزارت د دعوت او ارشاد رئیس مفتي محمد زرین ساجد او د یاد وزارت نورو مسؤولینو حضور درلود او د آزموینې له بهیر څخه یې څارنه وکړه.
په دغو دورو کې چې د عدلیې وزارت د دعوت او ارشاد ریاست لهخوا د یاد وزارت د کارمندانو د دیني ظرفیت لوړولو په موخه جوړې شوي، د عدلیې وزارت نهو تنو کارمندانو ګډون کړی چې له دې جملې څخه د هغوی شپږ تنه د حدیثو په لویه دوره کې او درې تنه نور یې په وړه دوره کې شامل دي او ۶ میاشتې کیږي چې په دغو دورو کې زده کړې کوي.
د عدلیې د وزارت مقامات د یاد وزارت کارمندانو د دینې علومو د پوهې کچې ته ډیره پاملرنه لري او په همدې منظور یې سږکال هم د حدیث شریف وړه او لویه دوره جوړي کړي دي. په دغو دورو کې، بخاري شریف او د قرآن کریم تفسیر تدریس کیږي.
