پنجشیر ولایت کې څه باندې ۱۷۰ جریبه ځمکه تثبیت شوه
د پنجشیر ولایت د ځمکو د غصب د مخنیوي د تخنیکي هیئت رئیس او غړي د ۱۴۴۵ هجري قمري کال د محرم الحرام د میاشتې په ۲۰ نېټه د یکشنبې په ورځ د ځمکو د غصب د مخنیوي او د غصب شویو ځمکو د استرداد په موخه د یاد ولایت پریان ولسوالۍ ته روان شو.
تخنیکي هیئت لومړی د پریان ولسوالۍ له ولسوال، د امنیې قوماندانۍ له پرسونل او د دغې ولسوالۍ نورو سیمه ییزو مسؤلینو سره وکتل او د ځمکو د غصب د مخنیوي کمېسیون جوړیدلو او د سیمه ییزو ادارو د مسؤلینو همکارۍ په اړه له هغوی سره بحث او خبرې وکړې.
وروسته تخنیکي هیئت د یادې ولسوالۍ د دلدل دښتې ساحې ته روان شو او ۹۱.۱۵ جریبه سپینه امارتي ځمکه او ۷۹.۴۱ جريبه غصب شوې ځمکه تثبیت او سکیچ کړه.
