د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د محرم الحرام د میاشتې په ۱۳ نېټه د یکشنبې په ورځ د دغه هیئت د رئیس او غړو په حضور سره جوړه شوه او په هغې کې د یو شخص د نمرو متصرف ته استعلام ورکړل شو ترڅو خپل ټول سندونه او مدارک د راتلونکو اجراآتو په موخه د دغه ولایت تخنیکي هیئت ته وړاندې کړي.
په همدې توګه یاده ناسته کې د یو شخص په تصرف کې د ۴۱.۸۰ جریبه ځمکې په اړه بحث وشو او هغه اشخاص چې د مالکیت ادعا یې درلودله غونډې ته حاضر شوو او خپل دلیلونه یې بیان کړل او په پای کې تصمیم ونیول شو ترڅو د هیئت ټول غړي د روانې اوونۍ د سه شنبې په ورځ د انجنیرانو ټیم په ملتیا ساحې ته ولاړ شي او نقشه پر ساحې تطبیق کړي تر څو د هغې له مخې تصمیم ونیول شي.
په همدې توګه یاده ناسته کې د طلاخمها باد روک خوړ او شورابک ځمکو موضوع بحث او بررسۍ لاندې ونیول شوه او هغو اشخاصو چې د مالکیت ادعا يې درلودله خپل سندونه او مدارک وړاندې کړل. هیئت تصمیم ونیو ترڅو یادې ساحې ته سفر وکړي او د اشخاصو سندونو ته مطابقت ورکړي ترڅو د هغو له مخې تصمیم ونیول شي.
