کندز ولایت کې څه دپاسه ۲۰۰۰ جریبه ځمکه امارتي تثبیت شوه
د کندز ولایت د ځمکو د غصب د مخنیوي د تخنیکي هیئت ناسته د محرم الحرام د میاشتې په ۱۳ نېټه د یکشنبې په ورځ د دغه هیئت د رئیس او غړو په حضور سره جوړه شوه او یاد ولایت کې څه دپاسه ۲۰۰۰ جریبه ځمکه په هغې کې امارتي تثبیت او تشخیص شوه.
په یاده ناسته کې د حضرت امام صاحب ولسوالۍ د شورتنګ باسوس ساحې دوسیه بررسي شوه او ۱۹۱۸ جریبه ځمکه د کرنې ادارې د معلوماتو پر اساس د امارتي ځمکې په عنوان تثبیت شوه او د هغې استرداد په برخه کې لازمه لارښوونه صادر شوه.
دغه راز په یاده ناسته کې د علي آباد ولسوالۍ د طاهري ساحې د ۱۸ جریبه ځمکې په تړاو دوسیه او په همدې توګه د قلعه ذال ولسوالۍ د غرجه قشلاق ساحې ۶۵ جریبه ځمکې دوسیه بررسي شوه او یادې ځمکې امارتي تثبیت شوې او لارښوونه ورکړل شوه چې تخنیکي هیئت ساحې ته واستول شي چې د هغې څېړنې بشپړې کړي ترڅو د هغې استرداد په برخه کې په وخت اجراآت صورت وموي.
په یاده ناسته کې د عسقلان ساحې ۱۱ جریبه ځمکه هم استرداد شوه او د هغې د اجارې ورکوونې پړاونو تېرولو په منظور لارښوونه وشوه او پر یو شمېر عرایضو او نورو متفرقه موضوعاتو هم بحث او د نظر تبادله وشوه.
