د بادغیس ولایت د ځمکو د غصب د مخنیوي د تخنیکي هیئت د ناستې جوړیدل
د بادغیس ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۷ نېټه د دوشنبې به ورځ د یاد هیئت رئیس او غړو په حضور سره جوړه شوه او د بالامرغاب او غورماچ ولسوالیو د مراجعینو عریضې، سندونه او مدارک په کې بحث او بررسۍ لاندې ونیول شول.
په دغې ناسته کې، د بالامرغاب ولسوالۍ د پنیرک د یو تن اوسیدونکي عریضې په تړاو چې د امارت د قضایاو آمریت کې د هغه دوسیه په جریان کې ده، معروض علیه یې جلب او د بادغیس ولایت د کرنې او اوبولګولو ریاست ته وغوښتل شو.
دغه راز په یاده ناسته کې د دره بوم ولسوالۍ د ناوه کلي استوګن یو بل شخص چې د قادس ولسوالۍ د ارمان شهر درې تنو اوسیدونکو پر وړاندې عارض شوی، د جلب په واسطه د یاد ولایت د کرنې او اوبولګولو ریاست ته وغوښتل شو.
په همدې توګه د سنګ آتش ولسوالۍ د هوتکي آبشار اوسیدونکي د یو شخص عریضې په اړه چې د درېیو نورو اشخاصو پر وړاندې عارض شوی، پریکړه وشوه له دې امله چې یاده سیمه عامه مرعی ده، د سنګ آتش ولسوالۍ د کرنې مدیریت په سرلیک د لیک په ذریعه خبر ورکړل شو چې نور هیچا ته په عامه مرعی ځمکو کې د تاسیساتو جوړولو اجازه ورنه کړي.
