د فراه ولایت د ځمکو د غصب د مخنیوی د تخنیکي هیئت ناسته جوړه شوه
د فراه ولایت د ځمکو د غصب د مخنیوی د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۵ نېټه د شنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې، د یاد ولایت د مرکز اړوند د احمد کاریز دوسیه بررسي او پریکړه وشوه چې راتلونکو ورځو کې له یادې ساحې څخه لیدنه وشي. دغه راز د یاد ولایت د مرکز اړوند خرفلان ساحې دوسیه هم د مرکزي کمېسیون له لارښوونې سره سم بررسي شوه او په دغې ساحه کې شخصي او امارتي ځمکې له یو بل څخه جلا شوې او ټاکل شوې یاده دوسیه مرکزي کمېسیون ته واستول شي.
په همدې توګه په یاده ناسته کې له یو شمېر افرادو څخه چې د دغه ولایت د ګلستان ولسوالۍ په سنګ سراخ ساحه کې پر یو اندازه ځمکه په خپلو کې دعوا لري، شرعي سندونه وغوښتل شول.
