د بدخشان په ارغنجواه ولسوالۍ کې د څړځای ۱۳۷۰ جریبه ځمکې استرداد
د بدخشان ولایت د ځمکو د غصب د مخنیوي تخنیکي هیئت د ذوالحجې د میاشتې په ۲۱ نېټه د یکشنبې په ورځ د یاد ولایت ارغنجخواه ولسوالۍ ته ولاړ او یادې ولسوالۍ د شیوې دښتې د عامه څړځای د تخریب او د غصب د مخنیوي په برخه کې اجراآت ترسره کړل.
هیئت ګلستان دره کې ۱۰۰۰ جریبه ځمکه، سرکوتل شیوه کې ۲۰ جریبه ځمکه، کردک ده ساحه کې ۱۵۰ جریبه ځمکه او د شیوې دره مزار ساحه کې ۲۰۰ جریبه ځمکه چې ټولټال ۱۳۷۰ جریبه ځمکه کیږي، د امنیتي مسؤلینو په همکارۍ استرداد کړه.
یادې ځمکې مخکې د څارویو څړځای تثبیت شوي خو افرادو او اشخاصو هغه ویجاړې او په کرنیزه ځمکې تبدیلې کړي چې د هیئت له خوا بیاځل د څارویو په څړځای تبدیلې شوې.
