د زابل ولایت د ځمکو د غصب د مخنیوي د تخنیکي هیئت ناسته جوړیدل
د زابل ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۳ نېټه د چهارشنبې په ورځ د هیئت د رئیس او غړو په حضور سره جوړه او د ځینو موضوعاتو د بررسۍ سربېره، د دوسیو اړوند یو شمېر افرادو او اشخاصو سره هم بحث او خبرې وشوې.
هیئت له یو شخص سره د ښوونې د ریاست موضوع، د خوازو او نوروکو ساحې موضوع او د شملزي او ناصري قومونو موضوع وڅېړل شوه او د ښوونکو د ښارګوټي برآورد هم ترسره کړ.
په همدې توګه تخنیکي هیئت له مرکزي کمېسیون څخه د مسترد شوې دوسیې په اړه پریکړه وکړه چې د دغې دوسیې نیمګړتیاوې په روانې اوونۍ کې هوارې او بیاځل کمېسیون ته واستول شي.
