د زابل او غزني ولایتونو د تخنیکي هیئتونو لخوا د دواړو ولایتونو ترمنځ د پولي تعیین
د زابل او غزني ولایتونو د ځمکو د غصب د مخنیوي تخنیکي هیئتونو د ۱۴۴۴ هجري قمري کال د روژې میاشت په ۴ نېټه د دغو دواړو ولایتونو ترمنځ سرحدي سیمو ته سفر وکړ او خپلو کې کتنه وکړه.
دغه هیئتونه د ځمکو د غصب د مخنیوی د مرکزي کمېسیون د مشرتابه مقام د لارښوونې پر اساس د دغو داړو ولایتونو ترمنځ د پولې د تعیین په منظور یادې ساحې ته ولاړل.
د دغو دواړو ولایتونو تخنیکي هیئتونو خپلو کې وکتل او وروسته یې د دغو دواړو ولایتونو ترمنځ له نقشې او د جي پي اس له ټکو سره سم پوله مشخصه کړه.
د دواړو هیئتونو لخوا ترلاسه شوي معلومات به له مرکزي کمېسیون سره شریک کړل شي.
