میدان وردک ولایت کې څه دپاسه ۴۰۰ جریبه ځمکه بررسي شوه
د میدان وردک ولایت د ځمکو د غصب د مخنیوي د تخنیکي هیئت توظیف شویو کمېټو او اړوند توظیف شوي ټیم د ۳۸۶ کادستري قطعې د بررسۍ او چک ولسوالۍ کې د باغ بند، لالاخیل او خلیلي کلیو ترمنځ د هدیرې د موضوع او د نرخ ولسوالۍ بیدک سرخ دښتې د ساحې موضوع د حل په منظور دغو ولسوالیو ته سفر وکړ.
هیئت په چک ولسوالۍ کې د جنجال اړوند ساحه بررسي کړه او ۳۸۶ کادستري قطعه چې ۲۰۷ جریبه ځمکه په کې شامله ده، هیڅ ډول شخصي ملکیت ثابت نه شو. یاد هیئت د اړوندو کلیو اوسیدونکو ته خبرداری ورکړ چې دغې ساحه کې له هر ډول مالکانه تصرف څخه ډډه وکړي.
د هیئت غړو ددغې ساحې اوسیدونکو ته وویل چې د موضوع د حل له پاره له والي او د استیناف او ابتداییه محکمو له رئیسانو سره غونډه جوړوي.
د تخنیکي هیئت بلې کمېټې ددغه ولایت نرخ ولسوالۍ ته سفر وکړ او سرخ بیدک دښته کې، ۲۰۰ جریبه د دښتې لاس نه خوړل شوې او عامه مرعی ځمکه بررسي کړه.
هیئت یاده ساحه چې ځینې برخې یې د خلکو لخوا تصرف شوی او نوي تصرفات هم په کې روان وو بررسي کړه او له متصرفینو سره یې وکتل. په دغې کتنه کې د ځمکو د غصب د مخنیوي اړوند مقرره هغوی له پاره تشریح شوه.
هیئت هر ډول مالکانه تصرف په دغې ساحه کې منع کړ او خبرداری ورکړ چې له غیر قانوني متصرفینو سره به قانوني چلند وشي.
هیئت د یادې قطعې اربعه حدود، مساحت او کیفیت مشخص کړل او له متصرفینو څخه یې شرعي سندونه وغوښتل.
