د غور او تخار ولایتونو د تخنیکي هیئتونو د ناستو جوړیدل
د غور او تخار ولایتونو د ځمکې د غصب د مخنیوي د تخنیکي هیئتونو ناستې ددغو هیئتونو د رئیسانو او غړو په حضور سره جوړې شوې او هم دغو ولایتونو کې له ځینو ساحو څخه لیدنه وشوه.
د غور ولایت د تخنیکي هیئت ناسته کې د فیروز کوه ښار په توپچي کنډک کې د افغان بیسیم مخابراتي آنتن ورکوونې ساحه چې تېر نظام کې د حکومت په ګټه پریکړه شوي وه، بررسي شوو. په دغې ناسته کې د ښار جوړولو او زمیندارۍ ادارې خپل معلومات په دغې برخه کې وړاندې کړل او د یادې ساحې د دولتي ملکیتونو د اجارې ورکول تایید شوو او پریکړه وشوه چې راتلونکي ورځ به هیئت له یادو ساحو څخ لیدنه وکړي.
په دغې ناسته کې د ښاروالۍ دریم پلان کې شامله د شنې ساحې ۱۲ ګڼه بررسي شوه او ساحه د تخنیکي هیئت لخوا وکتل او متراژ شوه او د متصرفانو شهرت یې هم تثبیت شو.
دغ راز یاده ناسته کې د تیلو د یو ټانک د مالک ادعا او د تیلو د ټانک جنوب کې ځمکه هم بررسي شوه. ورپسې هیئت ساحې ته ولاړ او د یادې ساحې متراژ یې پیل کړ. په پایله کې مشخصه شوه چې د جنوب برخه یې د سرې میاشت ادارې اړوند ده او د هیئت مخکنۍ پریکړه تاييد شوه.
په همدې حال کې د تخار ولایت تخنیکي هیئت د تالقان ښار شینواري ساحې ته چې د ۲۵۰ جریبه ځمکې د تثبیت او پېژندنې پروسه په جریان کې ده، ولاړ او د سیمې له خلکو سره يې وکتل.
ځايي خلکو د اسلامي امارت د مشرتابه له پریکړې څخه ملاتړ اعلام کړ او له تخنیکي هیئت سره یې د همکارۍ ژمنه وکړه.
