سرپل ولایت کې له ځینو غصب شویو ساحو څخه لیدنه
د سرپل ولایت د ځمکې د غصب د مخنیوي تخنیکي هیئت چشمې شیرین، منګوتي، سید آباد او امام جعفر کلیو ته ولاړ او ددغه کلیو له ملکانو او اوسیدونکو سره یې خبرې وکړې.
یاد شوي هیئت، د پورته کلیو غصب شوې ځمکې له نږدې ولیدلې او هم یې د GPS دستګاه پواسطه مساحت کړې.
دغه راز یاد هیئت د امام جعفر او چشمه شیرین کلیو له اوسیدونکو څخه د مدعی بها ساحو اړوند سندونه د راتلونکې غونډه له پاره وغوښتل.
دغه هیئت پریکړه وکړه چې د عامو او خاصو څړځایونو او دچشمې شیرین اوسني کلي په برخه کې به له څېړنو څخه وروسته تصمیم ونیول شي.
