د حقوقي مساعدتونو د ریاست د اوونیزې ناستې جوړېدل
د عدليې وزارت د حقوقي مساعدتونو د ریاست اوونیزه ناسته د ۱۴۴۴ کال د رجب المرجب میاشت په ۱۵ نېټه ددوشنبې په ورځ د حقوقي مساعدتونو د رییس مولوي حافظ عبدالصمد عمري په مشرۍ او ددغه ریاست د آمرینو او کارکوونکو په ګډون، جوړه شوه.
دغه ناسته چې د کارکوونکو د ننګونو او ستونوز او ددغه ریاست د بهیر چټک والي له پاره د لارښوونو صادرولو او د کاري چارو د ښه والي په منظور جوړه شوه، د کلام الله مجید د څو آیاتونو په تلاوت سره پیل شوه.
دغې ناسته کې، د حقوقي مساعدتونو رییس د اشغالګرو پر وړاندې د جهاد دورې د هغو کړاونو او سرښندونو چې د افغانستان خلکو تحمل کړې وو، یاد کړل او د موجودو لاسته راوړنو ساتنه يې د ټولو خلکو او په ځانګړي ډول د اسلامي امارت د کارکوونکو فریضه او مکلفیت وباله.
دغه راز نوموړي ددغې ناستې آجنډا ګډونکوونکو ته بیان کړه او د موجودو ستونزو د هوارولو په اړه یې لازمې لارښوونې وکړې او دغې برخه کې یو لړ تصمیمونه ونیول شوو.
د حقوقي مساعدتونو رییس لارښوونه وکړه چې د نظم او دسپلین رامنځ ته کولو او د کارکوونکو پخپلسر پرېښودلو د مخنیوي په منظور، وروسته له دې هر کارکوونکی چې پر دندې توظیف کیږې، د موټر پارچې سربېره توظیفي فورم کې د توظیف ځای، نېټه او خپل لاسلیک درج کړی او د ریاست مقام ته یې وسپاري.
دغه راز نوموړي د اداري مدیریت د ستونوز هوارولو په اړه ځینې لارښوونې وکړې. دغه راز نوموړي لارښوونه وکړه چې د ریاست اوونیز راپور په منظم فارمټ کې په دقیق ډول ترتیب او اړوندو مراجعو ته واستول شي.
دغه راز د حقوقي مساعدتونو رییس د حقوقي مساعدینو او ولایتونو کې د عامه حقوقي پوهاوي کارکوونکو د راپور ځنډېدلو په اړه لارښوونه وکړه چې لیک په متحدالمال بڼه د حقوقي مساعدتونو تر عنوان لاندې صادر شي ترڅو د هغوی راپورونه د حقوقي مساعدتونو ریاست ته په وخت واستوي.
هغه د ترانسپورتي ستونزې د حل برخه کې ژمنه وکړه چې د موټر د ستونزې هوارولو په موخه شخصاً له اړوندو مسوولینو سره خبرې کوي او دغې ستونزې ته به رسیدګي وکړي.
