د میدان وردک او ارزګان ولایتونو د تخنیکي هیئتونو ناستې جوړې شوې
د میدان وردک او ارزګان ولایتونو د تخنیکي هیئتونو ناستې ددغه هیئتونو د رییسانو او غړو په حضور سره جوړې شوې او لازم تصمیمونه پکې ونیول شوو.
د میدان وردک ولایت د تخنیکي هیئت ناسته کې د اداري اصلاحاتو د پروژې په اړه بحث وشو او پریکړه وشوه چې یاده دوسیه بررسي شي او له ښاروالۍ څخه هم معلومات وغوښتل شي.
دغه راز هیئت پریکړه وکړه چې د دشت توپ نهايي دوسیه حج او اوقافو او مرکزي کمېسیون ته واستول شي او د کوټه عشرو دوسیې په اړه د کرنې له ریاست څخه معلومات وغوښتل شي. دغې ناسته کې د ځینو اداري موضوعاتو په اړه هم لازم تصمیمونه ونیول شوو.
له بلې خوا د ارزګان ولایت د تخنیکي هیئت ناسته کې ددغه ولایت په ترینکوټ ښار کې د عیدګاه او پوهنتون ځمکو په اړه پریکړه وشوه.
