کابل ولایت کې څه دپاسه ۳۵۰۰ جریبه ځمکه امارتي تثبیت شوه
د کابل ولایت د ځمکې د غصب د مخنیوي تخنیکي هیئت ددغه ولایت له ځینو ساحو څخه لیدنه وکړه او امارتي ځمکې يې بررسي او تثبیت کړې.
دغه هیئت، په بګرامۍ ولسوالۍ کې د حاجي نذیر ښارګوټی چې ۸۴۶.۵۰ جریبه ځمکه پکې شامله ده بررسي کړ او د کادستر د سندونو له مخې دولتي دي او له متصرفانو څخه یې سندونه وغوښتل شوو
دغه راز یاد هیئت ۷۵ جریبه نوره ځمکه ددغې ولسوالۍ په یعقوب کلي کې بررسي او امارتي تثبیت کړه.
پر دې سربېره، یاد هیئت د کابل په شپږمه ناحیه کې د امید سبز ښارګوټی چې په ۱۷۵۰ جریبه ځمکه جوړ شوی بررسي کړ او د کادستر د سندونو له مخې دولتي تثبیت کړ.
دغه راز یاد هیئت، ددغې ناحيې د دارالامان په شادمان سیمه کې هم ۸۹۵ جریبه ځمکه چې د کادستر ۲۹۵ و ۲۹۶ قطعو اړوند ده، امارتي تثبیت کړه.
د کابل ولایت تخنیکي هیئت د یاد شوو ټولو ځمکو سندونه وغوښتل او بررسۍ لاندې ونیول.
