لوګر ولایت کې له ۱۹۰۰ جریبو څخه زیاته ځمکه امارتي تثبیت وشوه
د لوګر ولایت د ځمکې د غصب د مخنیوي تخنیکي هیئت د پل علم ښار بیدک، باري او خلیل آباد دښتو ته ولاړ او یاده سیمه چې ۷۴۸۱ جریبه ځمکه ده، بررسي کړه.
یاد هیئت د ځینو اشخاصو سندونه چې یادې شوې قطعې د ظاهرشاه پنوم یادوي، تر بررسۍ لاندې ونیول او د باري دښتې کابو ۱۹۴۷.۴۷ جریبه ځمکه چې ۱۲ کادستري قطعې پورې تړاو لري، امارتي تثبیت کړه. د یادې دښتې ۴۰۸۰.۴۷ جریبه نوره ځمکه چې ۳۴ قطعې اړوند ده په امارتي کادستر کې سروې شوې خو د ځینو اشخاصو تر ادعا لاندې ده چې د هغې سندونه به ډیر ژر بررسي شي.
بیدک دښته د کادستر ۱۰۵ قطعې اړوند ده چې ۳۲۰۰ جریبه ځمکه په هغې کې شامله ده، د داوودخان وخت کې دولتي سروې شوې خو تر دې دمه د یو شمېر اشخاصو تر ادعا لاندې ده. د دعوا لاندې د ځمکو سندونه راټول شوي او له بررسي څخه وروسته به مرکزي کمېسیون ته واستول شي.
په همدې حال کې، د بلخ ولایت د تخنیکي هیئت ناسته ددغه هیئت د رییس او غړو په حضور سره جوړه شوه او په هغې کې د کادستر ټیم لخوا د ټاکل شوې سیمو د کروکي پر تثبیت او د هیئت سکرتریت ته يې د راپور پر وړاندې کولو ټینګار وشو.
دغې ناسته کې، د کرنې ریاست اړوند د کرنې څیړنیز فارم ۳۷۵ جریبه ځمکې د بررسي او د راپور تایید او کمېسیون ته یې د استولو په اړه پریکړه وشوه. دولت آباد پروژې مسوولینو ته د ورکړل شوې وې د استعلامې جوابيې بررسي شوې او پریکړه وشوه چې د ورقو له بشپړیدو څخه وروسته د هغو په اړه تصمیم ونیول وشي.
دغه راز یادې ناسته کې، د بهر آب، بلال او ذبیح الله ښارګوټو چې سندونه یې د تخنیکي هیئت تر بررسۍ لاندې دي، مسوولینو ته يې د استعلام وویشل شو او د کرنې ریاست دکارکوونکو د پروژې نقشه هم وکتل شوه او له مستوفیت څخه د لیږد او ددغې ځمکې د بیې د پیسو د څرنګوالي په اړه معلومات وغوښتل شول.
دغې ناسته کې، د ځینو ښارګوټو د یو شمېر مسوولینو په غوښتلو او د هغوی د سندونو بررسي راتلونکې غونډې ته پلان شوه او د کادستر ټیم د کروکي اخیستلو په منظور د بلال ښارګوټي سیمې ته ولاړ او د هغه کروکي يې واخیسته.
پر دې سربېره، د ارزګان ولایت د تخنیکي هیئت ناسته هم د هیئت د رییس او غړو په حضور سره جوړه شوه او په هغې کې د چوره ولسوالۍ د کوتل او خلیلي سیمو ځمکې تر بررسۍ لاندې ونیول شوې چې له نهايي اجراآتو څخه وروسته به هغه کمېسیون ته واستول شي.
