د پکتیا ولایت د زرمت په و لسوالۍ کې د دعوا تر لاندې ساحې څخه لیدنه او نظارت وشو
د پکتیا ولایت د محترم مقام له لوري ټاکل شوي هیئت چې په ترکیب کې یې د عدليې ریاست او د اړوندو ادارو استازي په کې شامل دي د ربیع الثاني میاشت په ۱ نېټه د پنجشنبې په ورځ د دغه ولایت په زرمت ولسوالۍ کې د دعوا تر لاندې ساحې څخه لیدنه او نظارت وکړ.
د پکتیا ولایت په زرمت ولسوالۍ کې د قلعه دولت خان او پاینده خیلو قومونو ترمنځ له مودو راهيسې د یو قطعې ځمکې پر ملکیت حقوقي دعوا جریان درلود.
یاده دوسیه د مدعی بها د امارتي اشتباه د حل په منظور، د دغه ولایت د مرافعې محکمې د ریاست له لوري د عدليې ریاست د امارت قضایاو امریت ته استول شوې وه. د امارت قضایاو امریت یاده دوسیه د ملکیت بررسۍ په منظور د ښار جووړولو او ځمکو ریاست ته استولې ده.
دغه هیئت د ښار جوړولو او ځمکو ریاست د وړاندیز پر اساس د ملکیت د بررسۍ په منظور د پکتیا ولایت د مقام له لوري تعیین شوی چې د دعوا لاندې ساحې څخه لیدنه او نظارت وکړي او ګزارش یې اړوند مسوولینو ته وړاندې کړي.
